ក្នុងឱកាសទិវានារីអន្តរជាតិឆ្នាំ២០១៩ យើងខ្ញុំជាអង្គការសង្គមស៊ីវិល គណៈកម្មាធិការនៃអង្គការមិនមែនរដ្ឋាភិបាលកម្ពុជា ដើម្បីអនុសញ្ញាលប់បំបាត់រាល់ទម្រង់នៃការរើសអើងលើស្រ្តីភេទ (NGO-CEDAW), មជ្ឈមណ្ឌលសិទ្ធិមនុស្សកម្ពុជា (CCHR), មជ្ឈមណ្ឌលកម្ពុជាដើម្បីប្រព័ន្ធផ្សព្វផ្សាយឯករាជ្យ (CCIM) និង DanChurchAid (DCA Alliance) បានចេញសេចក្តីថ្លែងការណ៍រួម ដើម្បីអំពាវនាវឲ្យរាជរដ្ឋាភិបាលកម្ពុជាចាត់វិធានការ ដើម្បីដោះស្រាយបញ្ហាប្រឈម ០៣ សំខាន់របស់ស្រ្តី នៅក្នុងប្រទេសកម្ពុជា ដូចខាងក្រោម៖

1. ភាពមានកម្រិតនៃចំនួនថវិកាថ្នាក់មូលដ្ឋាន និងថ្នាក់ជាតិឆ្លើយតបទៅនឹងការដោះស្រាយបញ្ហាយេនឌ័រ
2. ការរឹតត្បិតសិទ្ធិរបស់អ្នកការពារសិទ្ធិមនុស្សជាស្ត្រី និង
3. សិទ្ធិទទួលបានយុត្តិធម៌នៅមានកម្រិត ជាពិសេសករណីអំពើហិង្សាក្នុងគ្រួសារ។