សមាជិកនៃសម្ព័ន្ធអង្គការ

ហេតុអ្វីចូលរួមជាមួយ NGO-CEDAW?

• ឱកាសក្នុងការចូលរួមវគ្គបណ្តុះបណ្តាលស្តីពី អនុសញ្ញា ស៊ីដ អំពើហឹង្សាផ្អែកលើយេនឌ័រ ច្បាប់ដែលពាក់ព័ន្ធនានា និងក្របខណ្ឌតាមដាន អនុសញ្ញាស៊ី-ដ។
• ឱកាសក្នុងការចែករំលែកព៌តមានថ្មីៗជាមួយសមាជិកដទៃ ចំពោះការប្រឈម វឌ្ឍនៈភាព គោលនយោបាយ និងការបង្កើតច្បាប់នានាដែលពាក់ព័ន្ធ។
• ឱកាសក្នុងការបង្កើតកម្មវិធីរួមដើម្បីស្វែងរកថវិកាក្នុងការទ្រទ្រង់ការអនុវត្តសកម្មភាព។
• មានសម្លេងខ្លាំងក្នុងការធ្វើការតស៊ូមតិ។
• ចូលរួមចំណែកក្នុងការតាមដានការអនុវត្តអនុសញ្ញាស៊ី-ដ និងរៀបចំរបាយការណ៍តាមដាន ឫរបាយការណ៍ស្រមោលដាក់ជូនទៅអង្គការ សហប្រជាជាតិ។ 

លក្ខខណ្ឌក្នុងការចូលជាសមាជិករបស់ NGO-CEDAW

• ឯករាជ្យភាពនៃអង្គការ ឬ សមាគម ដែលមិនបំរើផលប្រយោជន៍ឲ្យគណៈបក្សនយោបាយ
• បានចុះបញ្ជីនៅក្រសួងមហាផ្ទៃ  ឬជាមួយសហជីព
• ធ្វើសកម្មភាពដើម្បីលើកស្ទួយស្ថានភាពស្រ្តី សិទ្ធិមនុស្សរបស់ស្រ្តី និងក្មេងស្រី និងសិទ្ធិអ្នកស្រលាញ់ភេទដូចគ្នា (LGBT)
• តាំងចិត្តចូលរួមតាមដានការអនុវត្តអនុសញ្ញា ស៊ីដ ដោយប្រើប្រាស់ឧបករណ៍តាមដានដែល NGO-CEDAW រៀបចំសម្រាប់ស្ថាប័ន និងចែករំលែកព៌ត័មាន និងទិន្នន័យទាំងនោះ ជាមួយ NGO-CEDAW
• មិនធ្វើសកម្មភាពណាមួយដែលរារាំង ឬ រើសអើងលើ ស្រ្តី ដែលផ្ទុយពីគោលនយោបាយយេនឌ័ររបស់ NGO-CEDAW
• ត្រូវចូលរួមប្រជុំយ៉ាងតិច ៥០% នៃការប្រជុំប្រចាំឆ្នាំ
• រួមចំណែកក្នុងការបរិច្ចាគវិភាគទានប្រចាំឆ្នាំ (ធ្វើឡើងតាមការស្ម័គ្រចិត្ត ឬការព្រមព្រៀងរវាង NGO-CEDAW និងសមាជិក)

សមាជិកទាំងពីរប្រភេទរបស់ NGO-CEDAW

 អ្វីទៅជាសមាជិកគណៈកម្មាធិការពេញសិទ្ធិ?

• សមាជិកគណៈកម្មាធិការពេញសិទ្ធិ ជាអង្គការក្នុងស្រុកដែលបានបំពេញលក្ខខណ្ឌនានា ក្នុងការចូលរួមជាមួយគណៈកម្មាធិការ លើសពី ១ឆ្នាំ។
• មានសិទ្ធិចូលរួមសម្រេច និងអនុម័តផែនការយុទ្ធសាស្រ្ត ៥ឆ្នាំ របស់គណៈកម្មាធិការ ធ្វើវិសោធនកម្មលក្ខន្តិកៈរបស់គណៈកម្មាធិការ។
• មានសិទ្ធិបោះឆ្នោត​ជ្រើសរើស ឬឈរឈ្មោះជាបេក្ខជនប្រធាន​ អនុប្រធាន និងសមាជិកគណៈអចិន្រ្តៃយ៍របស់សមាជិកគណៈកម្មាធិការ។   

 អ្វីទៅជាសមាជិកសមាជិកសង្កេតការណ៍ ?

• អង្គការ ឬ សមាគម ដែលស្នើសុំចូលជាសមាជិកថ្មី ក្រោមរយៈពេល ១ឆ្នាំ (ក្រោយពីទទួលបានការសម្រេចពីសមាជិក ឬ សមាជិកគណៈកម្មាធិការ ៥០%+១)។
• ជាអង្គការក្នុងស្រុក ឬ អង្គការអន្តរជាតិ ដែលមានបំណងសហការ តាមរយៈការចូលរួមជាមួយអនុ- គណៈកម្មាធិការជំនាញជាក់លាក់ ដើម្បីតាមដាន និងរៀបចំរបាយការណ៍តាមដាន​ និងរបាយការណ៍ស្រមោលជាមួយ NGO-CEDAW ។
• សមាជិកសង្កេតការណ៍ មានសិទ្ធិចូលរួមប្រជុំ ផ្តល់ មតិយោបល់ក្នុងអង្គប្រជុំនានារបស់​ NGO-CEDAW តែពុំមានសិទ្ធិបោះឆ្នោតជ្រើសរើស ឬ ឈរឈ្មោះបោះឆ្នោតជា ប្រធាន និង អនុប្រធាន ឬ សមាជិក គណៈអចិន្រ្តៃយ៍ទេ។