សមាជិកនៃសម្ព័ន្ធអង្គការ
ភាពជាសមាជិក nGO-CEDAW
១. ហេតុអ្វីចូលសមាជិក NGO-CEDAW?
- ឱកាសក្នុងការចូលរួមវគ្គបណ្តុះបណ្តាលស្តីពី អនុសញ្ញា ស៊ី-ដ អំពើហឹង្សាផ្អែកលើយេនឌ័រ ច្បាប់ដែលពាក់ព័ន្ធនានា និងក្របខណ្ឌតាមដាន អនុសញ្ញាស៊ី-ដ។
- ឱកាសក្នុងការចែករំលែកព៌តមានថ្មីៗជាមួយសមាជិកដទៃ ចំពោះការប្រឈម វឌ្ឍនៈភាព គោលនយោបាយ និងការបង្កើតច្បាប់នានាដែលពាក់ព័ន្ធ។
- ឱកាសក្នុងការបង្កើតកម្មវិធីរួមដើម្បីស្វែងរកថវិកាក្នុងការទ្រទ្រង់ការអនុវត្តសកម្មភាព។
- មានសម្លេងខ្លាំងក្នុងការធ្វើការតស៊ូមតិ។
- ចូលរួមចំណែកក្នុងការតាមដានការអនុវត្តអនុសញ្ញាស៊ី-ដ និងរៀបចំរបាយការណ៍តាមដាន ឫរបាយការណ៍ស្រមោលដាក់ជូនទៅអង្គការ សហប្រជាជាតិ។
២. លក្ខខណ្ឌក្នុងការចូលជាសមាជិក NGO-CEDAW
- ឯករាជ្យភាពនៃអង្គការ/សមាគម/សហជីព ដែលមិនបំរើផលប្រយោជន៍ឲ្យគណៈបក្សនយោបាយ
- បានចុះបញ្ជីស្របច្បាប់នៅក្រសួងមហាផ្ទៃ ឬក្រសួងផ្សេងៗទៀត
- ធ្វើសកម្មភាពដើម្បីលើកស្ទួយស្ថានភាពស្រ្តី សិទ្ធិមនុស្សរបស់ស្រ្តី និងក្មេងស្រី និងសិទ្ធិអ្នកស្រលាញ់ភេទដូចគ្នា (LGBT)
- តាំងចិត្តចូលរួមតាមដានការអនុវត្តអនុសញ្ញា ស៊ីដ ដោយប្រើប្រាស់ឧបករណ៍តាមដានដែល NGO-CEDAW រៀបចំសម្រាប់ស្ថាប័ន និងចែករំលែកព៌ត័មាន និងទិន្នន័យទាំងនោះ ជាមួយ NGO-CEDAW
- មិនធ្វើសកម្មភាពណាមួយដែលរារាំង ឬ រើសអើងលើ ស្រ្តី ដែលផ្ទុយពីគោលនយោបាយយេនឌ័ររបស់ NGO-CEDAW
- ត្រូវចូលរួមប្រជុំយ៉ាងតិច ៥០% នៃការប្រជុំរៀងរាល់ឆ្នាំ
- រួមចំណែកក្នុងការបរិច្ចាកវិភាគទានប្រចាំឆ្នាំ (ធ្វើឡើងតាមការស្ម័គ្រចិត្ត ឬការព្រមព្រៀងរវាង NGO-CEDAW និងសមាជិក)
៣. សមាជិកទាំងពីរប្រភេទរបស់ NGO-CEDAW
៣.១. សមាជិកពេញសិទ្ធិ
- សមាជិកពេញសិទ្ធិ ជាអង្គការក្នុងស្រុកដែលបានបំពេញលក្ខខណ្ឌនានា ក្នុងការចូលរួមជាមួយ NGO-CEDAW លើសពី ១ឆ្នាំ។
- មានសិទ្ធិចូលរួមសម្រេច និងអនុម័តផែនការយុទ្ធសាស្រ្ត ៥ឆ្នាំ របស់ NGO-CEDAW ធ្វើវិសោធនកម្មលក្ខន្តិកៈរបស់ NGO-CEDAW។
- មានសិទ្ធិបោះឆ្នោតជ្រើសរើស ឬឈរឈ្មោះជាបេក្ខជនប្រធាន អនុប្រធាន និងសមាជិកគណៈអចិន្រ្តៃយ៍របស់NGO-CEDAW។
៣.២. សមាជិកសង្កេត
- អង្គការ/សមាគម/សហជីព ដែលស្នើសុំចូលជាសមាជិកថ្មី ក្រោមរយៈពេល ១ឆ្នាំ (ក្រោយពីទទួលបានការសម្រេចពីសមាជិកពេញសិទ្ធិ ៥០%+១)។
- ជាអង្គការក្នុងស្រុក ឬ អង្គការអន្តរជាតិ ដែលមានបំណងសហការ តាមរយៈការចូលរួមជាមួយអនុ- គណៈកម្មាធិការជំនាញជាក់លាក់ ដើម្បីតាមដាន និងរៀបចំរបាយការណ៍តាមដាន និងរបាយការណ៍ស្រមោលជាមួយ NGO-CEDAW។
- សមាជិកសង្កេត មានសិទ្ធិចូលរួមប្រជុំ ផ្តល់មតិយោបល់ក្នុងអង្គប្រជុំនានារបស់ NGO-CEDAW តែពុំមានសិទ្ធិបោះឆ្នោតជ្រើសរើស ឬ ឈរឈ្មោះបោះឆ្នោតជា ប្រធាន និង អនុប្រធាន ឬ សមាជិក គណៈអចិន្រ្តៃយ៍ទេ។
៤. ការប្តេជ្ញា និងការរួមចំណែកក្នុងភាពជាសមាជិក NGO-CEDAW
ដើម្បីរក្សាសមាជិកភាពជាមួយ NGO-CEDAW សមាជិកត្រូវបានស្នើឲ្យចូលរួមយ៉ាងសកម្មនៅក្នុងកិច្ចប្រជុំសមាជិកយ៉ាងហោចណាស់បីដងក្នុងមួយឆ្នាំ រួមទាំងកិច្ចពិគ្រោះយោបល់ស្តីពី របាយការណ៍ ត្រួតពិនិត្យតាមដានការអនុវត្តអនុសញ្ញា ស៊ី-ដ និងកិច្ចប្រជុំឆ្លុះបញ្ចាំងប្រចាំឆ្នាំផងដែរ។ លើសពីនេះ សមាជិកត្រូវបានលើកទឹកចិត្តយ៉ាងខ្លាំងឱ្យចូលរួមចំណែកដល់ក្រុមការងារតាមវិស័យដែលត្រូវតាមជំនាញការងាររបស់ពួកគេ ដើម្បីគាំទ្រដល់ការរៀបចំរបាយការណ៍ត្រួតពិនិត្យតាមការអនុវត្តអនុសញ្ញា ស៊ី-ដ ប្រចាំឆ្នាំ និងរបាយការណ៍ស្រមោលតាមកាលកំណត់។
៥. របៀបចូលជាសមាជិក NGO-CEDAW
អង្គការសាម៉ីអាចស្នើសុំចូលជាសមាជិកដោយផ្តល់នូវឯកសារដូចខាងក្រោម៖
- ពាក្យសុំចូលជាសមាជិក តាមគំរូដែល NGO-CEDAW ផ្តល់ជូនជាភាសាខ្មែរ និងភាសាអង់គ្លេស (អ្នកអាចជ្រើសរើសបំពេញជាភាសាខ្មែរ ឬ អង់គ្លេស)
- ភ្ជាប់ជាមួយស្លាកសញ្ញារបស់អង្គការ (Logo)
សូមផ្ញើទម្រង់ដែលបានបំពេញរួច មកកាន់អ៊ីម៉ែល៖ [email protected]
