ភ្នំពេញៈ មជ្ឈមណ្ឌលឃុំខ្លួនជនរងគ្រោះដោយគ្រឿងញៀន របស់កម្ពុជាគឺពោរ ពេញដោយអំពើហិង្សា ការបំពានផ្លូវភេទ និងការងារបង្ខំ ហើយជាកន្លែងទុកមនុស្សដូចសត្វធាតុ មិនសមជាកន្លែងស្តារនីតិសម្បទាទេ។ នេះបើតាមរបាយការណ៍អង្គការឃ្លាំមើលសិទ្ធិមនុស្សចេញផ្សាយ កាលពីម្សិលមិញ។
របាយការណ៍ដែលមានចំណងជើងថា«ពួកគេប្រព្រឹត្ត មកលើយើងដូចសត្វធាតុ» បានរៀបរាប់លម្អិតអំពីការបំពានផ្សេងៗលើអ្នកជាប់នៅក្នុង មជ្ឈមណ្ឌលនោះ ដោយគ្មានការគោរពទៅតាមនីតិវិធីត្រឹមត្រូវ ពេលខ្លះថែមទាំងឃុំខ្លួនមនុស្សដែលញៀនថ្នាំ។
អ្នកជាប់ ឃុំម្នាក់ ដែលត្រូវបានកំណត់អត្តសញ្ញាណក្នុងរបាយការណ៍នេះថាឈ្មោះ ស្មូញ ដែលគាត់លែងញៀនថ្នាំជាច្រើនឆ្នាំមុនត្រូវនាំយកទៅឃុំខ្លួន ភ្លាមៗ នៅមជ្ឈមណ្ឌលក្នុងរាជធានីភ្នំពេញ ដែលជាកន្លែងគាត់ត្រូវគេវាយដំដោយគ្មានហេតុផល។ បន្ទាប់ពីគាត់បានប៉ុនបង់រត់គេចរឿងកាន់តែអាក្រក់ថែមទៀត។
លោក ស្មូញ ត្រូវស្រង់សម្តីថា៖ «ពួកគេវ៉ៃខ្ញុំដូចវ៉ៃសេះ។ ការវាយនោះធ្វើឲ្យដាច់ស្បែកទាំងដុំ»។ លោកបន្តថា៖« សន្តិសុខម្នាក់បាននិយាយថា ខ្ញុំវាយអ្នកឯងដើម្បីឲ្យអ្នកឯងចេះដឹងអំពីវិន័យរបស់មជ្ឈ មណ្ឌល! ខ្ញុំមិនអាចធ្វើអ្វីបានក្រៅពីអង្វរពួកគេ។ ខ្ញុំមានអារម្មណ៍ថា ខ្ញុំមិនមែនជាមនុស្សទៀតទេ»។
អានបន្ត៖ កន្លែងឃុំឃាំងនៅកម្ពុជាពោរពេញដោយអំពើហិង្សា ការបំពានផ្លូវភេទ និងការងារបង្ខំ
