គណៈកម្មាធិការអង្គការមិនមែន រដ្ឋាភិបាលកម្ពុជា ដើម្បីអនុសញ្ញាលុបបំបាត់រាល់ទម្រង់នៃការរើសអើង លើស្ត្រីភេទ (NGO-CEDAW) នៅថ្ងៃសុក្រនេះ ជំរុញរាជរដ្ឋាភិបាលបន្តសហការលើកកម្ពស់ស្ត្រីបន្ថែមទៀត ដោយសារអង្គការសហប្រជាជាតិរកឃើញថា ការលើកកម្ពស់សិទ្ធិស្ត្រីនៅកម្ពុជា លើវិស័យមួយចំនួន មានកម្រិតទាបនៅឡើយ។
ការជំរុញនេះធ្វើទ្បើង ក្នុងសន្និសីទតាមដានលើសេចក្តីអង្កេតសន្និដ្ឋានរបស់គណៈកម្មាធិកា រនៃអង្គការសហប្រជាជាតិទទួលបន្ទុក CEDAW លើរបាយការណ៍លើកទី៤ និងទី៥របស់ប្រទេសកម្ពុជា នៅរាជធានីភ្នំពេញ។
ប្រធានអង្គការលីកាដូ និងជាប្រធាន NGO-CEDAW លោកស្រីវេជ្ជបណ្ឌិត ពុង ឈីវកេក ប្រាប់អ្នកសារព័ត៌មានបន្ទាប់ពីបញ្ចប់សន្និសីទថា បច្ចុប្បន្ន ភាគច្រើននៃស្ត្រីនៅកម្ពុជា នៅតែបន្តទទួលរងអំពើ ហិង្សាក្នុងគ្រួសារ ការជួញដូរផ្លូវភេទ ការប្រើហិង្សាពីសំណាក់អាជ្ញាធរ ជាដើម។ លោកស្រី កត់សម្គាល់ថា ភាគច្រើននៃជនប្រព្រឹត្តអំពើហិង្សាមិនត្រូវបានយកមកផ្តន្ទាទោសទេ។
